Wird me so no Bundesrot?

Mir sin letscht wuchenänd am frauefäld openair gsi
aso der Âurin, der Flo Ich und der Michel vo unde dra. isch e fett schlammigi sach gsi und geili Konzärt hets au gä. am fritig hämer grad emol P1lz gno zum uns istimme und vo denn hämmer ds ganz wuchenänd geili stimmig und action gha. am sa sin leider alli mied gsi und ich bi elei go jan delay und Wu Tang Clan lose. derfür hän der Aurin und ich und am Sunntig no bis si mit de Bagger cho sin d Lampe gfüllt. mir hän sovil Alkohol zvill derbi gha, dass mir allne hän chönne alk abiete und trotzdäm nüm wüsse wie mir in zug cho sin. und wär uf d idee cho isch in die erschti klass z sitze. wider erinnere möge mer uns beidi ab em momänt wo der Kontrolleur uns gwaltsam gweckt het und Klassewächsel het wele kassiere. In Bärn, womer eigentlich gar nit hän ane welle, isch den au kei zug me gfahre... aso hämer miesse am Bahnhofsbode schlofe...
so isch das gsi am FraueFäld
do no e Video vomene geile Schlammringkampf onich no der schluss dervo mitbecho ha



Tagesschau


lg Dionysos

ENDLICH!!!!!!!

S`internet het leider sehr lang ned funktioniert do bi uns....
Jetzt gits glaub einiges z`verzelle!
Fange mer doch grad mol bi dem foto a...die schoene auge sin versteckt genau wie au die schoene ohre :-)!!!! Die waere also blau (d`auge)! Das ligt am schiinwaerfer vo mim natel, ha aber no besseri fotos uf mim neue 8GB memorystick! Leider lohht sich dae nit mit dem computer do oeffne!
Wie ihr jo vilicht scho wuesset isch tereza vor ca. eire wuche gange... isch aber scho guet so, isch langsam aschtraengend worde... sie isch nur no am motze gsi oder am schmolle wenn sie zur abwaechslig mol en aschiss kriegt het oder e verwarnig!
Wie au immer, ha nit lang truuret (ka me jo ned immer mache und ar riccarda ihri wohnig isch au ned grad am waeg gsi) :-) und ha drfuer bim ne kleine wettkampf mit gmacht:
Mer sin in Crewbar zu dritt und haend gluegt waer am schnaellschte zum ne "easy pick up" kunnt..... ha leider verlore mit 40 minute....!!!!!!!!!!!!!!!!!!!!

Denn isch au moll no richtig raff sea gsi und es het wunderbar gwindet und gwaellnet! Innerhalb kuerzischter zyt sind fascht alli gescht und crewmembers wiss und grien worde! Ufem ganze schiff hets vilicht no 10 bis 15 vor crew gha wos ned verschisse isch gange. im restaurant bin ich und en andere no die einzige gsi wo uns schieff glacht haend! Normal schaffe hesch koenne vergaesse! Aber mit so me vollgladne tray umezlauffe isch also no witzig und e useforderig bi so seegang! Allerdings ischs au raecht grusig wend am aessensraeschte entsorge bisch (en kuebel mit ca 1m durchmaesser) und all paar minute kunnt wider eine und kotzt doert dri...mmhh... ha jo traene glach..waer het schomol en griene inder gseh? intressant isch au wenn sie dr kuebel nit traeffet vor luter waelle... und denn mien butze.... go jetzt nit witer uf die butzaktione uf de knue i, be waelle gang....

Denn hani no paar unglaublichi sunneuntergaeng erlaebt und paar huebschi staedli gseh! huere langwilig zum laese noch dr story obe dra drum schribi jetzt ned meh drzue!

Haend ihr eigentlich mol mini karte beko?