Saaali, hallloooooo, be wider uftaucht...

Also, be also do uf die legend zrugg ko und mer isch grad mitteilt worde das ich zum bell captain bin befoerderet worde. was e geili start... denn isch au no usko,dass dr anderi bell captain e geile schwob namens niels isch wo scho in mim letschte vertrag eine vo dene isch gsi wo ich en super guete droht han gha. denn isch er jez au no min cabinmate. Also es sacks starchs team sowohl bim schaffe als au bim suffe.
Bell captain heisst so viel wie: ich bin verantwortlich fuer alles was im roomservice so passiert, sowohl in guete wie au in schlaechte zyte...:-) Und solang mer unser ziel (8,68 punkt im guest rating) schaffe waerde mer voellig in rueh glo! wenn ned, den gits big time gettho und das wird denn schiins sehr ungmietlich!
Also dr einzig nochteil isch an mim job do, dass ich dr ganz tag, wenn viel los isch, wie en hohle staege uff und staege ab renne muess!
kleins bischpil: ich stoh in mim roomservice ruemli (pantry 5) uf deck 5 , denn luetet s`telefon und en gascht uf deck 6 (oberschts deck was suite abelangt) bstellt en cheesburger und en bacardi cola. ich nimm also die bschtellig a und schrib en check fuer de burger, bring denn de check abe in kuchi uf deck 3, renn wieder uffe uf deck 5, richte mis plateau fuer die bschtellig, renne ufe uf deck 8 and bar und hohl dr bacardi cola, bring dae zrug uf deck 5, renne jezt abe uf deck 3 hohl de burger, bringen ufe ufs 5 und vo doert denn schlussaendlich uf deck 6 zum gascht. (isch jo scho aschtraengend das z'schriebe:-) und jezt doerfet ihr oeich mol vorstelle wie das ablauft wend 3 bschtellige glichzitig hesch... huere muesam...
aber d`vorteile: jede 2 tag erscht am 10 afange, am andere wenni am 6 afange hani drfuer immer vom 10 bis am 3 pause! Jede obe am 10 fuerobe (will denn dr night bell captain kunnt) wenn no alli andere fuer mindischtens e stund am renne sin. also mit andere wort, mer hocke scho mit allne stewrdesse in dr crewbar am bierle waerend die andere mien ufruume und putze...:-)
und s`allergeilschte: isch s'aesse in dr crew mess ned guet, bschtellsch dr hallt eifach grad so was bock hesch vor charte, hesch mol durscht gosch and bar und seisch wast gaern haetsch. wichtig, 10 vor 10 z`obe pick up 6-8 bier und ab in cabine... no froge?
wenn nuet lauft, hocksch die mit dim peeper and sunne, gosch and reception go quatsche oder gosch biz de stewerdesse ufe sack....:-) maengmol; bisch au naett und bschtellsch fuer irgend oeper wo hunger het oepis z`aesse. und so bald en gascht oepis will, klinglet din beschte fruend (dr peeper) und denn heissts wider: run forest, run!
miesahm ischs eigentlich nur die letschte beide taeg gsi, will unsri nussschale so umegwirblet isch worde, und alli gescht nur no sueppli und kraekers haend welle:-) aber das isch fuer mich einisch me nur geil gsi die raff sea! isch halt scho geil wend wilsch 2 staegetritt uf eimol nae und den isch aber schiff so schreg das grad 5 bis 6 uf eimol nimmsch.... ka aber au ind hose bzw. and wand go...:)

so, mer wirds langsam z`kalt do in spanie be 17 grad und sunne schiin, wird zyt das mer uns ind karibik verpisse!!!! am 8 gohts los und am 21. soette mer in florida sii wenn das floss das no schafft...:) drei kleini fueuerli (sogeil, doppel ue ohni puenktli) in 2 wuche im maschine ruum koennt eim jo eigentlich beunrueige.... neinei machet oeich kei sorge ich mach mer au keini...